ქვაბის ზაფხულის რეჟიმი: რატომ არ უნდა გამოვაერთოთ დენიდან?

ბევრი მომხმარებელი გაზაფხულზე გათბობის სეზონის დასრულებისას ქვაბს პირდაპირ დენიდან თიშავს. ეს არის სერიოზული შეცდომა, რამაც შეიძლება ძვირადღირებული ნაწილების გაფუჭება გამოიწვიოს.

ტუმბოს ჩაჭედვის რისკი

როდესაც სისტემაში წყალი თვეების განმავლობაში არ მოძრაობს, ცირკულაციის ტუმბოში (პომპაში) არსებული ნალექი და ჟანგი მყარდება და შეიძლება როტორი ჩაიჭედოს. ზამთარში ჩართვისას პომპა ვეღარ დატრიალდება და შეიძლება დაიწვას.

რა არის სწორი გზა?

გადაიყვანეთ ქვაბი "მზის" ნიშნულზე (ზაფხულის რეჟიმი), სადაც გათბობა გამორთულია 0-ზე და მუშაობს მხოლოდ ცხელი წყალი. თანამედროვე ქვაბებს აქვთ "ანტი-ბლოკირების" ფუნქცია - ისინი ყოველ 24 საათში ერთხელ რამდენიმე წამით ავტომატურად ატრიალებენ პომპას, რომ არ ჩაიჟანგოს. ამისათვის აპარატი აუცილებლად უნდა იყოს შეერთებული დენში.