იატაკის გათბობა vs რადიატორები

ახალი რემონტის დროს ერთ-ერთი მთავარი დილემაა: დავამონტაჟოთ ტრადიციული რადიატორები თუ გავაკეთოთ მთლიანი იატაკის გათბობა? განვიხილოთ ორივეს დადებითი და უარყოფითი მხარეები.

იატაკის გათბობა

პლიუსები: სითბო ოთახში ნაწილდება თანაბრად, ქვემოდან ზემოთ, რაც ადამიანისთვის ყველაზე სასიამოვნოა (ფეხები თბილად, თავი გრილად). ვიზუალურად არ იკავებს ადგილს კედლებზე. ქვაბი მუშაობს დაბალ ტემპერატურაზე (40-45°C), რაც ზოგავს გაზს (განსაკუთრებით საკონდენსაციო ქვაბების დროს).
მინუსები: ინსტალაცია საკმაოდ ძვირია და მოითხოვს დასხმას (სტიაჟკას), რაც ართულებს მის გაკეთებას უკვე გარემონტებულ სახლში. იატაკი გვიან ცხელდება.

რადიატორები

პლიუსები: სწრაფად ათბობს ოთახს. მარტივი და იაფია ინსტალაცია და საჭიროების შემთხვევაში - მილების შეკეთება/შეცვლა.
მინუსები: სითბო ადის პირდაპირ ჭერისკენ და ოთახში სხვადასხვა ტემპერატურული ზონები იქმნება. იკავებს ადგილს ოთახის დიზაინში.